«Apple» kompaniýasy çeper filmleri surata düşürmek babatdaky çykdajylaryny azaldýar

«Apple» kompaniýasy birnäçe millionlyk şowsuzlyklary sebäpli çeper filmleri surata düşürmeklik babatdaky çykdajylaryny  azaltmagy maksat edinýär. Bu barada «Bloomberg» habar berdi.

         Kompaniýa Martin Skorseze, Ridli Skott we Metýu Wonyň çeper filmlerine 500 million dollardan gowrak, Ikinji jahan urşy döwrüni suratlandyrýan «Howa ussatlary» çeper filmine 250 million dollardan gowrak serişde sarp etdi.

Çykdajylary azaltmak üçin «Apple» kompaniýasy  indiki möwsümler üçin niýetlenilen köp bölümli çeper film taslamalaryna goýberýän pul serişdelerini azaltmagy göz öňünde tutýar. Ýöne muňa garamazdan, kompaniýa käbir köp bölümli çeper film taslamalary üçin köp möçberde pul serişdelerini tölemäge taýyn. «Apple» kompaniýasy «The Morning Show» atly köp bölümli çeper filmiň  dördünji möwsüminiň aktýorlarynyň aýlyk haklary üçin 50 million dollardan gowrak pul sarp etdi. Jennifer Eniston we Riz Uizerspun bu köp bölümli çeper filmiň her bir bölüm üçin 2 million dollar gazanýarlar.