«ByteDance» şu ýyl emeli aň çipleri üçin 12 milliard dollar sarp etmegi meýilleşdirýär

«TikTogy» esaslandyryjy «ByteDance» kompaniýasy 2025-nji ýylda emeli aň  infrastrukturasyna 12 milliard dollardan gowrak serişde sarp etmegi meýilleşdirýär we döwrebap ösüş üçin iň täze kämil tehnologiýalary ulanýar. Bu barada «tr.investing.com» internet neşiri habar berdi.

Meýilnamalar hakynda maglumatlary bilýän iki kişiniň «Financial Times» gazetine beren beýanatlaryna görä, «ByteDance» kompaniýasy 2025-nji ýylda Hytaýda emeli aň çiplerini satyn almak üçin 40 milliard ýuan (5,5 milliard dollar) möçberinde pul serişdelerini aýyrdy, bu bolsa geçen ýyl sarp eden pul mukdaryndan iki esse köpdür.

Şeýle hem bu topar, ösen «Nvidia» çiplerini ulanyp, esasy model bilim ukyp-başarnyklaryny güýçlendirmek üçin, daşary ýurtlara takmynan 6,8 milliard dollar maýa goýmagy meýilleşdirýär.

Beýanat maglumatlaryna görä, «ByteDance» kompaniýasy ýurt içi ýarymgeçiriji sargytlarynyň takmynan 60 göterimi «Huawei» we «Cambricon» ýaly hytaý üpjün edijilerine, galan bölegi bolsa ABŞ-nyň eksport gözegçiligini ýerine ýetirmek üçin suwlandyrylan «Nvidia» çiplerine sarp ediler.

Şeýle hem, Pekiniň Hytaýyň tehnologiýa kompaniýalaryna çipleriniň azyndan 30 göterimini ýurduň üpjün edijilerinden satyn almak üçin resmi däl görkezme berendigi beýanatlarda bellenilýär.