Dubaýda blokçeýn kompaniýalary üçin 17 gatly «Kripto minara» gurlar

2027-nji ýylda Dubaýda blokçeýn kompaniýalary üçin 17 gatly «Kripto minara» gurlar. Bu barada «aniq.uz» internet neşiri habar berdi.

Dubaý özüniň özüne çekiji gözel ýerleriň sanawyna blokçeýn, merkezleşdirilmedik maliýe (DeFi) we Web3 pudaklaryny goldamak üçin guruljak we «Kripto minara» diýlip atlandyryljak desgany hem goşmak üçin taýynlyk görýär. Taslama «DMCC» we «REIT Development» kompaniýalary tarapyndan yglan edildi.

Aslynda bu bina «Crypto Tower» diýilýär we umumy meýdany 150,000 inedördül metr. Gurluşy birnäçe derejä bölünýär, olaryň her biri Web3 ýalydyr.

Merkezdäki dokuz gat, kriptowalýuta startaplary we kompaniýalary üçin ofis hökmünde bagyşlanar. Üç gat blokçain inkubatorlaryna, wençura gaznalaryna we emeli intellekt pudagyndaky firmalara beriler.

Şeýle hem binada kripto kluby, NFT sungat galereýasy we gymmat bahaly zatlar üçin ýörite ammar ýerleşer.

«Crypto Tower» minarasynda kärendeçileri ýerleşdirmek we amallary dolandyrmak üçin blokçeýn tehnologiýalaryndan, esasan-da onçaýn-woting weakylly şertnamalardan peýdalanylar.

Taslamanyň awtorlary munuň aç-açanlygy üpjün etjekdigini, amallary awtomatlaşdyrjakdygyny we administratiw çykdajylary azaltjakdygyny aýdýarlar.

Minara sanly işjeňlere (aktiwlere) bagyşlanan çäreler üçin jaýlary, şonuň ýaly hem saýlama söwda meýdançalaryny (platformalaryny) hödürlär. Bu meýdançalar altyn şaý-sepleri dükany we seýrek awtoulag sergi zaly  üçin bölünip beriler.

Maglumatlara görä, «Crypto Tower» minarasynda orun aljak dynç alyş we aragatnaşyk üçin ýörite otaglar hem-de Web3 kompaniýalarynyň uly mejlisler jaýy bu merkezi işewür toparlarynyň üns merkezine öwürer.

«DMCC»-iň başlygy Ahmad Bin Sulaem bu taslamany tehnologiýa we gozgalmaýan emläk çatrygynda öwrülişik ädimi diýip atlandyrdy. Onuň pikiriçe, bina şäheriň umumy stiline laýyk gelýär we Dubaýyň iň täze tehnologiýalara ygrarlydygyny görkezýär.

««Crypto Tower» diňi binasyny gurmak — bu Web3-iň geljeginiň hakyky beýany bolup, onda aç-açanlyk we eýeçilik blokçeýn tehnologiýalary bilen üpjün edilýär. Mundan başga-da, bu biziň niýetlerimiziň beýany hasaplanýar. Çünki, biz Dubaýyň dünýädäki Dubaýyň dünýäde öňdebaryjy innowasiýa merkezi hökmünde ornuny berkitmegi dowam etdirýäris.» — diýip belledi Bin Sulaem.

2027-nji ýylda gurluşyk tamamlanandan soň, «Kripto minara» işe başlar we dünýäniň dürli künjeklerinden startaplary we uly kompaniýalary özüne çeker.