Jemi içerki önüm boýunça öňdebaryjy ýurtlaryň sanawy düzüldi

Jemi içerki önüm boýunça dünýäniň öňdebaryjy ýurtlarynyň sanawy düzüldi. Bu barada «Biznes reklama» gazetinde habar berildi.

                  Neşirde beýan edilişine görä, «Visualcapitalist» portalynyň hünärmenleri Halkara pul gaznasynyň maglumatlaryna esaslanyp, dünýäde jemi içerki önümi boýunça öňdebaryjy ýurtlaryň sanawyny düzdüler. Sanawda birinjiligi Hytaý eýýäm 10 ýyldan bäri elden bermeýär, ýurduň 2024-nji ýyldaky girdejisi 33,1 trillion amerikan dollaryna deň boldy.

                  Hytaýdan soňra sanawyň öňdebaryjy döwletleri şu yzygiderlilikde dowam edýär: ABŞ 29,2 trillion amerikan dollary, Hindistan 16 trillion amerikan dollary, Russiýa 6,9 trillion amerikan dollary, Ýaponiýa 6,6 trillion amerikan dollary, Germaniýa 6 trillion amerikan dollary, Braziliýa we Indoneziýa 4,7 trillion amerikan dollary, Fransiýa 4,4 trillion amerikan dollary, Beýik Britaniýa 4,3 trillion amerikan dollary, Italiýa 3,6 trillion amerikan dollary.