Merkezi Aziýa döwletleriniň Baştutanlarynyň ýedinji konsultatiw duşuşygy Özbegistanda geçiriler

Düýn – 2024-nji ýylyň 9-njy awgustynda Gazagystanyň paýtagty Astana şäheriniň «Akorda» köşgünde geçirilen Merkezi Aziýa döwletleriniň Baştutanlarynyň altynjy konsultatiw duşuşygynda Merkezi Aziýa döwletleriniň Baştutanlarynyň ýedinji konsultatiw duşuşygyny Özbegistanyň paýtagty Daşkent şäherinde geçirmek barada çözgüt kabul edildi. Bu barada Özbegistan Respublikasynyň Prezidebtiniň resmi web saýtynda habar berildi.

Merkezi Aziýa döwletleriniň Baştutanlarynyň:

Birinji konsultatiw duşuşygy Gazagystanyň paýtagty Astana şäherinde 2018-nji ýylyň 15-nji martynda;

Ikinji konsultatiw duşuşygy Özbegistanyň paýtagty Daşkent şäherinde 2019-njuy ýylyň 29-njy noýabrynda;

Üçünji konsultatiw duşuşygy Türkmenistanyň Türkmenbaşy şäherindäki «Awaza» milli syýahatçylyk zolagynda 2021-nji ýylyň 6-njy awgustynda;

Dördünji konsultatiw duşuşygy Gyrgyzystanyň Çolpon-Ata şäherinde 2022-nji ýylyň 21-nji iýulynda;

Bäşinji konsultatiw duşuşygy Täjigistanyň paýtagty Duşanbe şäherinde 2023-nji ýylyň 14-15-nji sentýabrynda;

Altynjy konsultatiw duşuşygy Gazagystanyň paýtagty Astana şäherinde 2024-nji ýylyň 9-njy awgustynda geçirildi.