Pakistanyň hökümeti öz ýurdunyň Pariž – 2024 Olimpiýa çempionyna 897 müň dollar sowgat berdi

Pakistanyň hökümeti öz ýurdunyň Pariž – 2024 Olimpiýa çempiony Arşad Nadime 897 müň dollar sowgat berdi.

Arşad Nadim Pariž – 2024 Olimpiýa oýunlarynda Pakistana ýeke-täk altyn medal gazandyrdy. Ol naýza atma ýaryşynda Olimpiýa rekordyny goýdy: 92,97 metr.

Hut şu nukdaýnazardan-da, Pakistanyň hökümeti çempion Arşad Nadime 897 müň dollar (250 million rupiýa) sowgat berdi berdi. Mundan başga-da, türgene «PAK 92.97» belgili awtoulag gowşuryldy. Arşad Nadimiň tälimçisi Salman Ykbal Bata hem 5 million rupiýa (18 000 dollar) sowgat berildi. Päkistanyň Premýer-ministri Şahbaz Şerif türgen Arşad Nadimi Yslamabatda geçirilen ýörite dabarada gutlady.