Ruanda Respublikasynyň häzirki Prezidenti saýlawda 99 göterimden gowrak ses aldy

Ruanda Respublikasynyň häzirki döwlet baştutany Pol Kagame 99,15 göterim ses alyp, Prezident saýlawynda öňde barýar. Merkezi saýlaw topary sesleriň 79 göterimini sanady.

         Ruanda Respublikasynyň häzirki döwlet baştutanynyň nobatdaky Prezident saýlawyna dalaşgärligini 7,1 million saýlawçy goldady. Kagame garşydaşlary Ýaşyllar partiýasynyň lideri Frank Habinez we garaşsyz dalaşgär Filip Mpaýiman degişlilikde 0,53 we 0,32 göterim ses aldy. Ruanda Respublikasynda mundan öňki Prezident saýlawy 2017-nji ýylda geçirildi.

         66 ýaşly syýasatçy Kagame indi azyndan 2029-njy ýyla çenli işinde galar. Ol 2000-nji ýyldan bäri Ruanda Respublikasynyň Prezidenti wezipesini ýerine ýetirýär.