Ýuan Gyrgyz Respublikasynyň bäşinji resmi walýutasyna öwrüler

Ýuan Gyrgyz Respublikasynyň bäşinji resmi walýutasyna öwrüler. Bu barada «aniq.uz» web saýty habar berdi.

Gyrgyz Respublikasynyň Milli banky ýuany resmi walýuta hümmeti kesgitlenilen walýutalaryň sanawyna goşdy. Karar 1-nji sentýabrdan güýje girer. Şeýlelikde, ýuan ýurduň bäşinji resmi walýutasyna öwrüler.

Karar iki esasy ýagdaý bilen, ýagny Gyrgyz Respublikasy bilen Hytaý Halk Respublikasynyň arasyndaky ykdysady hyzmatdaşlygy güýçlendirmek islegi we ýuanyň halkara walýuta bazarlarynda barha artýan ähmiýeti bilen baglanyşyklydyr.