Döwlet Garaýew / Ömrümiň manysy (goşgy)

Assa basyp çykýaň säher seýrana,

Gül görküňe galýar hemme haýrana,

Nurly keşbiň mähir berýär her ýana,

Sen meniň ömrümiň manysy gözel.

Edepli maşgalaň päkize gyzy,

Ýüregimde goýduň öçmejek yzy,

Döwür az gaýtalar sen ýaly uzy,

Sen meniň ömrümiň manysy gözel.

Garagolja şemal oýnar saçlaryň,

Misli peýkam ol garaja saçlaryň,

Gözleriňde görünmesin ýaşlaryň,

Sen meniň ömrümiň manysy gözel.

Aşyk Döwlet ýazdy adyňa nama,

Her bir näziň derman bu şirin jana,

Gujak açyp gelseň gülüm bu ýana,

Sen meniň ömrümiň manysy gözel.